Vorráðstefna Jarðfræðafélags Íslands 2017

Kæru félagar,

Vorráðstefna Jarðfræðafélagsins verður haldin 10. mars næstkomandi í Öskju, Náttúrufræðahúsi Háskóla Íslands.

Um er að ræða heilsdagsráðstefnu, föstudaginn 10. mars, frá kl 09:00 til 17:00, en skráning verður frá klukkan 8:30. Auglýst er eftir ágripum erinda og veggspjalda og tilkynningu um þátttöku. Eins og áður er Vorráðstefna Jarðfræðafélagsins opin fyrir alls kyns erindum, enda er hún ekki þematengd. Þátttökugjald er 11.000 kr. fyrir félagsmenn, 13.000 kr. fyrir utanfélagsmenn.

Stúdentar við HÍ eru hvattir til að mæta, þeir þurfa ekki að greiða þátttökugjald en nauðsynlegt er þó að þeir skrái sig. Þeim er boðið upp á kaffi í hléum en hádegisverður er ekki innifalinn fyrir stúdenta, hann býðst þó gegn vægu gjaldi, 1000 kr, og eru nemendur beðnir að taka það fram hvort þeir vilja vera í hádegismat þegar þeir skrá sig.

Áréttuð er samþykkt aðalfundar JFÍ sem heimilar þeim félögum sem eru komnir á eftirlaun að taka þátt í ráðstefnunni án endurgjalds, en þeir greiði fyrir hádegisverð, 1000 kr, þeim er þó að sjálfsögðu boðið upp á kaffi í hléum.

Skráning á ráðstefnuna sendist á Lúðvík E. Gústafsson (ludvik.e.gustafsson@samband.is) og ágrip erinda/veggspjalda þar að auki á Þorstein Sæmundsson (steinis@hi.is)
Við skráningu þarf eftirfarandi að koma fram

1. Nafn,
2. Heimilisfang,
3. Kennitala,
4. Greiðandi og verknúmer ef við á
5. Ertu félagsmaður í JFÍ.
6. Verður þú í mat

Hér með er auglýst eftir ágripum erinda og veggspjalda. Þeir sem eru áhugasamir um að halda erindi á þessari ráðstefnu eru vinsamlega beðnir um að hafa samband við okkur sem fyrst þar sem að tími er takmarkaður. Gert er ráð fyrir að flutningur hvers erindis og spurningar að því loknu taki 15-20 mín.

Skilafrestur ágripa er mánudagurinn 27. febrúar. Dagskrá verður auglýst í síðasta lagi mánudaginn 6. mars og hægt verður að skrá sig á ráðstefnuna fram til miðvikudagsins 8. mars.
Ágrip mega vera að hámarki 2 bls. með myndum. Titill erindis verði með feitletruðu 16 pt. Arial (Helvetica), nöfn höfunda í Arial 14. pt. og stofnana í Arial 10 pt. Megintexti verði í Times New Roman, 12 pt. með einföldu línubili. Athugið að texti ágripa er ekki prófarkalesinn. Augljósar villur eru leiðréttar við uppsetningu og frágang en að öðru leyti er texti ágripanna og framsetning hans á ábyrgð höfunda. Opinbert tungumál ráðstefnunnar er íslenska, en heimilt er að senda og flytja erindi á ensku. Ágrip sendist á Word-formi til Þorsteins Sæmundssonar (steinis@hi.is). Aðeins er tekið við ágripum frá þeim sem eru þátttakendur á ráðstefnunni og eru skil ígildi skráningar.

Comments are closed.