Haustráðstefna Jarðfræðafélags Íslands 2015

Kæru félagar,

haustráðstefnan verður haldin í Rúgbrauðsgerðinni, borgartúni 6, föstudaginn 20. nóvember og í ár verður þema hennar eftirfarandi:

Jöklar og laus jarðlög.
Á ráðstefnunni verða Guðrún Larsen, Kjartan Thors og Oddur Sigurðsson, heiðruð sérstaklega fyrir framlög sín til íslenskra jarðfræðirannsókna.

Skráning á ráðstefnuna sendist á Sylvíu Rakel Guðjónsdóttur (sylvia.rakel.gudjonsdottir@isor.is).

Um er að ræða heilsdagsráðstefnu frá kl 09:00 til 17:00, en skráning verður frá klukkan 8:30. Auglýst er eftir ágripum erinda og veggspjalda og tilkynningu um þátttöku

Skilafrestur ágripa er miðvikudagurinn 11. nóvember klukkan 12:00. Dagskrá verður auglýst mánudaginn 16. nóvember og hægt verður að skrá sig á ráðstefnuna fram til miðvikudagsins 18. nóvember.

Ágrip mega vera að hámarki 2 bls. með myndum. Titill erindis verði með feitletruðu 16 pt. Arial (Helvetica), nöfn höfunda í Arial 14. pt. og stofnana í Arial 10 pt. Megintexti verði í Times New Roman, 12 pt. með einföldu línubili.

Athugið að texti ágripa er ekki prófarkalesinn. Augljósar villur eru leiðréttar við uppsetningu og frágang en að öðru leyti er texti ágripanna og framsetning hans á ábyrgð höfunda. Ágrip skulu vera á íslensku séu höfundar íslenskir, en útlendingum er heimilt að skila ágripi á ensku. Opinbert tungumál ráðstefnunnar er íslenska, en heimilt er að flytja erindi á ensku. Ágrip sendist á Word-formi til Sylvíu Rakel Guðjónsdóttur (sylvia.rakel.gudjonsdottir@isor.is). Aðeins er tekið við ágripum frá þeim sem eru þátttakendur á ráðstefnunni og eru skil ágrips ígildi skráningar. Við skráningu þarf að koma fram nafn, heimilisfang, kennitala, greiðandi og hvort viðkomandi er félagsmaður í JFÍ.
Gert er ráð fyrir að flutningur hvers erindis og spurningar að því loknu taki 15-20 mín.

Þátttökugjald er 11.000 kr. fyrir félagsmenn, 13.000 kr. fyrir utanfélagsmenn. Áréttuð er samþykkt aðalfundar sem heimilar þeim félögum sem eru komnir á eftirlaun að taka þátt í ráðstefnunni án endurgjalds, en þeir greiði fyrir annað sem tengist ráðstefnunni. Þeim er þó að sjálfsögðu boðið upp á kaffi í hléum. Hádegisverður er innifalinn í ráðstefnugjaldi og eru þátttakendur beðnir um að taka fram við skráningu hvort þeir verði í mat.

Comments are closed.